Aðalfundur SFO 2026.

Á alþjóðadegi offitunar þann 4. mars n.k. verður aðalfundur SFO - Samtaka fólks með offitu haldinn klukkan 17:00-17:45 í sal hjá Heilsuklasanum, Bíldshöfða 9 (sama hús og heilsugæslan Höfða), 2. hæð. Fundurinn verður einnig í boði sem fjarfundur á Zoom og mun tengill verða sendur félagsfólki þegar nær dregur. 

Ath. Mikilvægt er að skrá sig undir fullu nafni á fundinn á Zoom.

Kosið verður um 3 sæti í stjórn félagsins - tvo stjórnarmenn og einn varamann. Einungis skuldlaust félagsfólk getur boðið sig fram til stjórnarsetu. Tilkynna skal framboð skriflega til stjórnar fyrir 1. mars nk. á sfo@sfo.is. 

Að lokinni hefðbundinni dagskrá aðalfundar hefst viðburður sem er öllum opinn og hefst hann kl. 18:00. Við munum fá áhugaverða fyrirlestra frá Grétu Jakobsdóttur næringarfræðingi, Vigni Sigurðssyni barnalækni og Guðlaugu Ingvadóttur stjórnarkonu og félaga í SFO.

Dagskrá aðalfundar er eftirfarandi:

  1. Kosning fundarstjóra og fundarritara

  2. Skýrsla stjórnar og aðrar skýrslur

  3. Reikningar lagðir fram til samþykktar

  4. Lagabreytingar (Tillaga að lagabreytingu)

  5. Ákvörðun félagsgjalds

  6. Kosning til stjórnar

  7. Kosning skoðunarmanns reikninga

  8. Önnur mál

Atkvæðisrétt á aðalfundi hafa allir skuldlausir félagar.